కల్నల్ ఏకలింగానికి తొంభయ్యేళ్ళ వయసులో పెళ్ళి చేసుకొని ఒక బిడ్డకి తండ్రవాలన్న కోర్కె కలిగింది. కలిగిందే తడవుగా ఆ విషయం తన ఫామిలీ డాక్టరయిన డాక్టర్ పరాంకుశంతో చెప్పాడు.
"ఈ వయసులో అది సాధ్యమయ్యే పని కాదు సార్" అన్నాడాయన."ఎందుకు కాదు? నా తుపాకీ ఇప్పుడు కూడా పని చేస్తూండగా నేనెందుకు తండ్రిని కాలేను?" ఆవేశంగా ఎప్పుడు తన వెంట ఉండే తన తుపాకీ పైకెత్తి అడిగాడు ఏకలింగం. "ఈ వయసులో తుపాకీ పేలదు.ఒక వేళ పేలినా అందులోంచి గుండు బయటికి రాదు" చెప్పాడు డాక్టర్. ఏకలింగానికి కోపమొచ్చి విసురుగా బయటికెళ్ళి పోయాడు.
ఈ సంభాషణంతా విన్న డాక్టర్ గారి సెక్సీగా ఉండే కుర్ర నర్సు ఏకలింగాన్ని కలిసి ఆయన తదనంతరం ఆయన ఆస్తి మొత్తం తనదవుతుందన్న క్లాజుతో ఆయన్ని పెళ్ళి చేసుకొంది. కొన్నాళ్ళకి ఆమె గర్భవతి అవుతుంది.పంతం కొద్దీ ఆమెని చెకప్ కోసం డాక్టర్ పరాంకుశం దగ్గరికి తీసుకెళ్ళాడు కల్నల్. ఆయన ఆమెని చెకప్ చేసి ప్రెగ్నన్సీ కన్ఫర్మ్ చేశాడు.
"చూశారా డాక్టర్. తుపాకీ పేలదనీ, గుండు బయటకి రాదనీ ఏవేవో అన్నారు.ఇప్పుడేమంటారు?" అడిగాడు ఏకలింగం.
"నేనొక కథ చెప్తాను వినండి కల్నల్.ఒక వేటగాడు ఒక మేన్ ఈటర్ అయిన పులిని వేటాడ్డం కోసం అడవికి బయలు దేరుతూ పొరబాటున తుపాకీ బదులు గొడుగు తీసులెళ్తాడు. తీరా అడవిలో అతనికి పులి ఎదురై అతని పైకి దూకుతుంది. అప్పుడు అతను తన చేతిలోని గొడుగు ఎక్కుపెట్టి కాలుస్తాడు. అందులోంచి వచ్చిన బుల్లెట్ తగిలి ఆ పులి కిందపడి గిలగిలా కొట్టుకొని చచ్చిపోతుంది,"
"అసంభవం.పక్కనుంచి ఇంకెవరో తుపాకితో కాల్చి ఉంటారు" అన్నాడు ఏకలింగం.
"ఎగ్జాక్ట్లీ! ఇక్కడా అదే జరిగి ఉంటుంది" తాపీగా అన్నాడు డాక్టర్ పరాంకుశం.
No comments:
Post a Comment